BATTLE OF THE BULGE

BULG han tih hian map ah lo zawng lem suh, hmun hming pawh ani hran lo, he indona hi a rapthlak em em mai a, Bulg indona an ti ve ngawt mai a ni.

Indopui ll na tawp lam kha ani a june ni 6 1944 ah chuan tangrual sipai maktaduai tel in France ram Normandy vaukam ven na kulh pui Hitler-a leh a sipai officer senior ber ber ten tha elh khen a an siam chu an rawn tawn tlang ta purh mai si a , German sipai rual chuan thiam tak a tawlh zar zar mai loh chu hmabak an nei ta lo, Hitler thupek khauh tak, IN THI E MAW IN HNEH E MAW ANIH NGAWT LOH CHUAN TUMAH HNUNG TAWLH LOH TUR , tih chu zawm hlei thei an ni tawh lo, hnung lam veng reng chung a tawlh char char a ngai tawh , heng hun lai a German sipai beidawng thinrim tal vel zet chu rapthlak tak ani, nunrawng pawisak neilo annih tawh nak a lai in France mipui te lah chu German lak ah an hel a, hmun tin hmun tang ah German sipai in tawlh vel chu an lo Ambush cham chi bawk nen, German tlawm tur tal vel chu pui rem rem tak ani. Battle of the Bulg an tih pawh hi tangrual sipai ten Normandy vakam an rawn kai hnu a German sipai ten "Counter Attack" an neih turu ber ani mai thei , a chhan chu hemi tum hian German sipai 100,000 zet chuan an ram a haw leh ngai tawh reng reng lo tur in an nun na thisen an luan ral tir a, tangrual sipai pawh 19,000 chu an ram lam ah nungdam in an kir tawh dawn lo ani. sipai 1000 hi Battalion khat ang a ngaih an ni a mahse heti zat chiah hi chu an tling reng ngai lo chhutri leh damlo an awm ve reng thin a, Battalion khat ah hian 800- 900 hi an nih dan tlangpui ani, mahse Sipai 800 thihna khawp indona hi thleng ta se indona pui tham tak ani ngei ang, Battle of the bulg ah hi chuan german sipai leh tangrual sipai belh khawm in Batalion 119 an thi vek tih na ani a, a rapthlak thawkhat hle ang tih chu a zuk rin hriat theih ani.an lut tawh a,.1944.dec16-jan25 1945. Batle of the bulge an tih German.sipai 100,000 leh tangrual sipai 19 000 zet an thih na hi. Han sawi fiah deuh dawn ila ,1941 lam ah khan Belgium ram chu tualdawih sorkar anni a, an ram chhung ah german sipai e maw france sipai emaw kal tlang reng reng an phal lo bur mai ani, mahse France sorkar chuan an ram German nen an ramri chin ah, Maginot line tiin German ral lian dan nan kulh rin awm em em mai hi an siam zui mai a, hemi kulh zawn ah hian German Tanks rual kha lo lut chiah se chuan ek cheh nuaih khawp in an lo kap phirsi vek thei hial ang, mahse Belgium nen an ramri ah hi chuan engmah in ven na lam uluk zawk in an siam ta lo, France nen an ramri hi Ardennes ngawpui chhah zet mai hi ani hrim hrim a, helai hmun a tang hi chuan German sipai te hi an lo luh a rin awm lo hrim hrim bawk nen, sipai barrack pangngai leh Santri post naran chu an ram ri ven na ani mai. Mahse German sipai Panzer Tanks rual ho tu Brigedear Gen, Rommel khan fin pakhar chhuah in Maginot line a rawn su ta lo vin Belgium ram Ardennes ngawpui chhung a tang in France ram chu an rawn lut ta hum hum mai a, Belgium sorkar teh lul chuan lo sawisel ngam chai hek lo le, Maginot line lam chuan ral hmel pawh hmu lo vin France ram chu a tlawm fel der, 

  Hetia Tangrual sipai rual in Normandy an lo luh hian france ram chu thlakhat pawh tling lo vah an la fai leh vek nghal a, German sipai rual hian a tir lam a an lo luh na, Ardennes ngaw pui ah bawk hian tan hmun an khuar ta ni, he lai hmun a German sipai beidawng Chakai kawtawp a tang ho khawrhchhuah hautak zia hi kan sawi tum tak chu a ni.

 1st Lt Presto leh a ho te mi 200 te chu German sipai pawl khat hnung tawlh mek Ardenes ngawpui Vur in a khuh var uarh kar a biru mek te luh chhuak tur a tirh an ni a hapta khat zet vur kar ah chaw vawt hlir an ei hnu chuan chaw lum an ei ve ta, Presto chuan "tlangval te u tho leh tawh ru le, sawlai lawk ah sawn German tlem te an awm a va luh chhuak lawk ang u ralthuam bak engmah ken loh tur kan va kal anga an tlan chhe vek ang a chutia an tlanchhia chu ral leh lam a kan pawl ten an lo kap hlum phiar mai dawn a ni awl lutuk" a ti mai a. A ho te pawh chuan phur tak in an zui leh ta a, an dan pang ngai ang in an in zar pharh a hma lam pan in silai an kap ta vak vak a mahse a reh vung vung mai, hma lam pan in an kal zel a Silai an neih zinga puakrang lian chi ( heavy Machinegun ) te chuan an phuh phei leh ta chur chur mai a, a reh vung vung, German sipai te hi an tlan chhe zo ta a niang, phur tak in hma lam pan in an kal zel a. thawk leh khat ah a rawn ri dup a Jack a te hma zawn a mi thing kung chu a zung chawp in a van vawr nghal suau mai a chu ve leh Mortar grenede leh Machinegun mu chu a rawn sur phei ta chhur chur mai a, Chu ai mah a an huphurh chu, Indopui lai a Tank hlauh awm ber mai PANZAR. Tank thawm chu a ni, a laipui 88mm chuan a rawn phin ta tak tak mai a thingkung a in phen in awmzia a nei lo thing lian pui pui mai chu a rawn kap chhawk hmawk hmawk a, a chhawk mai ani lo, a ler lam chu van sang lam ah a vawr chho chum chum a chumi rawn tla leh lam ngawt pawh chu tawrh hlelh awm tak ani, thing tang ban puam tia tia hi a rawn sur tla chum chum mai ani. Sipai lung mawl ber tan pawh an inteligen ten thil an hre sual tih chu hai rual a ni ta lo, mitkhap kar lek ah Jack a ding leh vei ah chuan na tuar thawm a ri nghal chuah chuah a, Kene a chu a han bia a, a in hliam loh thu leh Presto a in hliam thu a sawi a, Dinglam ah Cruz a han au leh a a lo inhliam tlat mai, Floyd-a a thi, corporal john pawh a in hliam na khawp mai, Presto leh corporal an in hliam chuan hotu an nei ta lo hetiang hun a hotu neihloh rapthlak zia chu beidawn thlak tak a ni, zan alo thleng ang a muang chang in an tawlh kir ang a , ngaihtuahna thar nen an bei tha leh dawn ani, mah se zan alo thlen chuan an beisei leh tum dan pawh chu a zuzi leh ta. zan thim a an hmuh theih nan kah en ( Very light) an rawn kap a thing hmun Far kung ah te chuan a tang a a han eng em em khawp mai leh nghal a, chet ngam a ni talo.

 Mahse an hnung tawlh loh chuan an thi mang vek dawn an thian hliam te hi engtin nge ni ta ang mahni pawh an insa seng theilo a ni si tawngtai tur in mit chhin ngam pawh a nilo, Jack a chu hnung tawlh duh ngat se a mah chauh chuan a in thiar fihlim thei lutuk, a thian ta lah chu a hnung leh hma lam ding leh vei ah chuan hliam tuar in an rum chur chur bawk si, a thian te tel lo va hnung tawlh tum miah lo Jack a chu hlau chung chung hian a vanvadak a LALPA KA THIAN TE TEL LO VIN HNUNGTAWLH KA TUM MIAH LO CHE VE TEH . Hemi ni hi 1944 Christmas ni tak kha a ni a. chu ve leh a rawn ri sun sun a GERMAN an lo thleng ta ti in Jack a chuan a silai a chuh ta a mah se German a zawng an lo ni lo zan thim vawt ruih mai ah chuan SAKAWR DUM LIAN TAK mai chu a rawn lang hlawl mai a, achung chuan in peih tak mai hian a lo ding ta vung mai ani, tu sakawr nge tu ta nge khawi a tang a lo kal nge? Ngaihtuah hman ani tawh lo, mi pathum hliam chu an han hlang tawp mai phawt a, a ma thu chuan an camp lam pan chuan a tlan ta luah luah mai a , Jacka a te pawh chuan muangchang in camp lam chu an pan ve ta a,  camp an va thlen ve chuan mi hliam te chu motor ah an lo hlang fel vek tawh, Jack leh cruz te chuan sa kawr chu khaw nge a awm, an zawt kual vel a, tu man an chhang thei lo. He Sakawr hi Vantirhkoh ni ngei in an hria ani, 

Jack-a hi indopui zawh hnu chuan Amerika ah a haw leh ta a, vawikhat christmas zan a in khawm na ah chuan pastor in " Pathian in lei mihring te min chhan chhuak tur in a fapa Lal Isua min rawn pe a" tih a sawi lai chuan Jack-a chuan Sakawr pawh alo ti sap a.

𝐇𝐞 𝐭𝐡𝐮 𝐚𝐧𝐠 𝐡𝐢 𝐋𝐞𝐧𝐠𝐳𝐞𝐦 𝐚𝐡 𝐜𝐡𝐡𝐮𝐚𝐡 𝐭𝐚𝐰𝐡 𝐚 𝐧𝐢 𝐚. 𝐏𝐮 𝐓𝐊𝐚 𝐡𝐢𝐚𝐧 𝐚 𝐜𝐨𝐩𝐲 𝐧𝐠𝐞 𝐚 𝐳𝐢𝐚𝐤 𝐜𝐡𝐡𝐚𝐰𝐧𝐠 𝐤𝐚 𝐡𝐫𝐞 𝐥𝐨.