Ka true Story

Zan dar 8 a ni a, computer hmaah chuan ka blog Zohuri.blogspot.com ami tur thlalak edit vel pahin hla ka lo ngaithla mai mai a. Mahni chauh pawha ka nuih ka nuih lai chuan ka phone chu a rawn vibrate vu vu a, rang lutukin ka sms dawn chu ka'n bih nghal a, "lo lng rh,tmah omlo a.... ;-)" tih chu ka zuk hmu nghal. A va nuam emm!! 

A message tawpa ";-)" a rawn telh avang hian "If you know what I mean" a ti ni ngei ah ka ngai a, zan hmasa lama movie ka download te chu pendrive ah chuan ka thun sawk sawk a, ka boxer leh tawnzau ka thlak zuai a, body spray rim tui tawk axe rockstar ngei mai chu ka in kap vak vak a. Hetiang situation lawmawm leh hmanhmawhthlak ah hi chuan inbuatsaih a ngai nasa thin reng a ni. Tichuan, an ina kal tur chuan ka chhuak nghal a. Lawks, ka rim chu ka duhdan a ni leh lo.. chocolate rim zawk chu motor ke hawlh thep ang maia ri sur sur a ka in kah hnu chuan ka lim chhuak leh puat a..ka rim pawh a sweet viau chuan ka hria.

Rei ka thang lo, chet ka tum dan zawng zawng rilru a hisap chungin an kawngkhar bulah ka lo ding reng tawh a. Kawngkhar chu ka tihdan thin pangngai angin kan kik karh karh a, chutah sensiari chuan kawngkhar a rawn hawng. Luh hmain an inchhung chu ka bih a, a chhungte an awm lo tih chu ka'n chian leh te te a, chutah rang lutuka ka hma lam ban pah chuan ka'n hlim pawp mai a.....

Current a la awmlo zui! Hetiang situation (ka ti lehpek thin ang!) ah hi chuan awmlo char char mahse a pawilo zawk. Inchhung a hmuh that theih loh a, tichuan a kut nem tak chuan min kai lut a, a rem rem dap dun dun pah chuan thuthlengah chuan pang insi rialin kan thu thla dun thawr a, chutah chuan inthlakhlehna zawng zawng a rawn par chhuak ta. Ka'n zut riai riai a, a chang leh kan kheuh deuh a, ka sik leh niap niap thin bawk a…….

Current pawh a rawn awm leh tawh a, a room lamah movie ka ken sak te chu computer a dah lut turin kan inzui lut a. Hmuhnawm ka tih zual ho te chu ka hrilh thuak thuak a, "sawi lawk suh...plss plss plssss....ka en hunah a hmuhnawm loh ang" tih pahin ka hmui a rawn hup a. Kei lahin sawi luih ka'n tum vel a, nuam ve deuh mai a nia! Nakin deuhah chuan thingpui min lum a, ka lawm angreng hle. Ka bulah chuan a thingpui rawn chhawp pah chuan a rawn kun du du a, chutah tak chuan ka’n kawm tawk a……….

Boruak a sosang chho tan ta. Kan inhaw lo dun khawp mai. Tichuan ka kuah leh chawt a, kuah pah chuan zawi muangin ka’n phelh a, ka han hnim vang vang a, a hmul deuh thup a, a rim lah chu a ti deuh them them lehnghal a…….

A bu lah chu a tha thup thup ngei mai. Ka'n enchiang a, a var tha sar sar hle lehnghal a. Ka han hum a, ka han hmet vel, ka hmer vel a, ka kut size nen a inmil hle mai, hum pawh a nuam thuap thuap a, a nel thep lehnghal……..

Ka lu chunga a lo awm lai reng reng ka hre lo, a var tha em em mai lehnghal a, a mum nalhin han zut vel pawh itawm tak a ni. Ka hmuh theih tura a awm reng avang chuan en ngam si lo, en duh deuh bawk si chuan ka awm reng a………

Chutah le, a finishing na tur kan thleng ta. A lo met kawlh tal mai a, mak ka ti lutuk! Mi surprise chiang hle. A chungah chuan ka kut ka han nghat a, a vum thar mai a. A mam then mai a, a lum vet vet mai lehnghala.......

Haw lam te rilru ah a lo awm ta a, a tawp nan tiin ka han kawm leh ngawng ngawng a, ka han liak zeuh zeuh a, a al deuh hlek bawk si, a nal deuh palh bawk a.......

A mitmeng nalh taka min en chungin "La haw suh, ka la ngai che alawm" a rawn tih rual chuan bathroom lam kan pan dun a. A room hi chu tukverh atang miin min lo hmu palh anga, a zahthlak kan ti deuh a, bathroom chu kan pan a ni. A chang leh ka han su zuk zuk a, a chang leh a rawn su bawk bawk a, a chang leh kan pahnihin kan su bawk a….

"Ka haw tawh tak tak ange, naktuk zanah ka rawn leng leh dawn nia" tih pahin a tawp nan ka han kuai kak leh a...

Rilru a hlawhtling inti takin ka haw ta a...