ZO HUR

Kum 26 ka nih in department pakhat ah driver in ka lut a, ka luh hian kan department head driver a chawlh lai anih vangin a driver ah ka tang nghal. Aizawl atanga hla lo te ah kan awm a, an inpui aizawl ah hian weekend hi a hmang tlangpui thin. Ka thawh atanga a kar khatna ah aizawl a sunday hmang turin zirtawp tlaiah kan haw a. Hetah hian ka pu te in leh an chhungkua ka hmelhriat tan. Ka pu hi kawm nuam tak anih avangin karkhat lek chhungin an chhungkaw chanchin hi ka hre ve nual hman. A fanu hi a chhuang ve hle bawk. Ka pu hi kum 55 vel niin a nupui (Chhani) hi kum 45 vel,hmelchhe lemlo tak invawng fai tak a ni a, ka pu hi officer nilo se a nei duh kherlo maithei a ni . An fanu Kimi hi kum 20 vel a ni. Fa mal a ni bawk a, an duat in an enkawl uluk tih a hriat. A nu leh pa bulah chuan a pangchang viau na a, a lerh ruk ka ring tlat pek.  An nupa leh an fanu bakah an awmpui nula nen chiah an ni bawk a, rin ai takin kan inpawh hma hlawm. Ka pu hi zan lamah hi chuan zu a i...

‘Ber thla an chuankai meuh chuan Rokebaia workshop thar tur pawh luah theih a ni ta a. Kawngpui an chu workshop chu a ni a, a hnuaiah chuan motor parts dawr leh waiting room a siam a. A lehlam zawng chu mechanic-hoin an luah a. A hnuai leh chu luah theih a la ni cheu a, chhungkaw hnihin an luah thung. Workshop chung chu la zawm chhoh theih turin a ruahman bawk a. Tuna a workshop luah mek chu a lo tum lawk ang deuhin two wheeler workshop atan a siam ta a ni. A loan lak chu thla tinin awlsam takin a rul thei a, Tualpui lama a pate lah chu Hmingliani’n thla kipin sum a thawn reng bawk si. An khawsak a nuam tlang ta hle mai. Rokebaia pa pawh chu Tualpui pa challang leh pa rawnkai a ni ta thuai a, amah tak phei chuan tun hma aia a finna tehchiam phei chu a hre lem law, VC-a in candidate tur te hian an sawm an sawm ta mai a ni. An in hnuai chu rangva maia pin chu a duh khawp ta lo a, brick remin tha taka siam tumin Roa pa chuan hma a la bawk a ni.  Roa chuan a workshop chung ...

Vanghmun khua chu an va lut a, mipa naupangho chuan an motor hnunga bei tumin an rawn um ham ham thin a, Zema chu dak chhuakin motor kawngkhar chu a han beng dawt dawt thin a, a nuam tih zawng tak a ni. Thlen in tur an han dap a, hmun khata thlen khawm vek mai chu hautak deuh dawna an hriat avangin Zema leh Thanzika chu Zema laichin hnaite inah an lut a. Rokebaia erawh chu a pa thianpa Pu Zaliana te inah a innghat ve thung a. Pu Zaliana leipui kal hawin an kawta motor lo inhung ruau mai a han hmuh chuan a lawm hle a, arpui tui lai a talh hial a ni. Rokebaia chu a inti bengvar a, Pu Zaliana nupui chu ar a han puahpui sawk sawk hnu chuan a thlen in tleirawl tui chawi chu zuiin tui tin hnih leh tuikawhna chu a lek chhuak ve vat a. Tleirawli chu Lalthlamuani a ni a, Muantei tia a chhungten an kohna ang chuan Roa chuan a ko ve mai a. Tuikhur kawngah chuan Rokebaia ruala kal chu a duh mang der lo a, a tlan deuh zau zau reng a, a zak ve pawh a ni mah na. Tuikhur an zu thlen chuan ...

“Lo lut rawh,” tih ri chu Nutei aw ngei chu a ni. “Ka hrereng ang che, ka duh lutuk che,” tia taxi chhunga a awm laia a kut rawn vuantu khan la hre reng tak maw? Rokebaia chu in chhungah chuan a han pen lut ta a. Choka lam atang chuan Nutei ngei mai chu a rawn pen lut ve chiah bawk a. An sitting room-ah chuan an inen ta vang vang mai. “Awi, Roa,” tiin Nutei chu a han au chhuak raih a, Rokebaia chu a lawm ngei mai. Tichuan, thu dunin an titi ta a. Nutei chuan, “Ngawi rawh, lawk, phawt in a, thingpui hang ka han chhuansak phawt ang che, a mak teh mial em mai,” tiin Roa titi tan tur chu a han pawt chat leh rih a. Room atanga  nu pakhat rawn chhuak hnenah chuan, “Manun, hei hi alawm ka sawi thin Roa kha, heta ka rawn chhoh hma ka buai zana min mikhualtu unau fel deuh ka tih te kha,” a han ti leh hlut a, chutah, “Roa, hei hi Manuni, ka u Rinliana nupui a nih hi,” a han tih zawm nghal zat a. Nutei hi chu nula fel khat tak chu a ni hrim mai, lehkhathiam a ni bawk a, tiin Roa n...

Ks pakhat chu Jenny a inti a, a changkan hmel phian a, sa pan lam deuh, sang tha ve zeih zawih tak, hmai tung deuh a ni a, a ngo tehchiam lo. Pakhat zawk chuan ‘Maawm’ tiin min ko rawh u, a ti a. A thiannu chu a chen lo deuh nain a hmel a tha reuh phian mai, ngo pawh a ngo zek a ni. Roa chuan a driver te in chabi dahna chu a han dap ruk ruk hnu chuan in chhungah chuan an lut ta a. Thanzika chu a helhhawlh nge ni a za cheng reng a, an nula pahnihte chu a melh tawn zak zak reng a, tu zawk nge a thlan dawn tih a ngaihtuah a ni chek ang chu. Zema erawh chu a dang a awk titih tlat tawh thung a, a tawng hleithei lo. Zema hian nula a thei tih thawm an la hre hauh lo lehnghal a, Thanzika erawh hi chu Tualpuiah na na na chuan nghal ve tak a ni. Rokebaia driver in chu a te-in a chhe rik rik ve khawp a, Roa chuan an in luah hmasa te pawh a hre chhuak uai uai a, a driver chu a khawngaih zual sauh a. An lut a, choka a ni nghal a, choka chu sitting room a ni nghal bawk. Center table a aw...